Get all 10 Belarri releases available on Bandcamp and save 30%.
Includes unlimited streaming via the free Bandcamp app, plus high-quality downloads of Betazalak, Chants électromagnétiques, Ttinka, Bidai, Otazu blues, Zirimiri, Pozgarria da, eHe (errare Humanum est), and 2 more.
1. |
Oporrak
04:15
|
|||
Egon izandu naiz maiz, goi lainoei, so, begira
heuren itzal mugikorrei
Egun, ene indar ahulek, greban dira
ez bait dut ezer egin nahi!
Hodei hoietan iheslari izan?
ikuspegi berriez zeharkatu lur hezeak?
Eta zuhaitz hostotsuetan kurloiekin solasean
amaituko bait dut.
Kanpandorreko talaitik zeharkatu apaiz buru soilak.
Ez baitut ezer egin nahi
ene indar ahulek greban dira,
laino iheslariei, itzal mugikorrei, so, begira.
Ihesaldian dantzatu oin puntetan
txosna itxi baino lehen tragoa eskuan
goiko tabernetara abiatu
gaugirorako bait nago, urrun oso urrun.
Barrakoi luze honetan amesten dut urdin gauetan
non zeru-goiko izarrak pausatzen diren lekuetan
eta goizeko ihintzetan zilarrezko mendi maldetan
non kukua dabil kantetan
Han!! Egon nahi dut nik oporretan.
Jexuxmai Lopetegi (1993)
|
||||
2. |
Uhinak marrazten
04:07
|
|||
Aidean uhinak zituen marrazten
istingorrak ziztu bizian.
Sioteak larre moztu berrian,
errekan zertzeta buru berde-beltxak.
Txinboa, kaxkaurdina, txonta-petxugorria,
zaldubia, txepetx, sasitxoria,
moitua, gerritxori, buztanikara-horia.
Erriberako(*) bizilagunak.
Giza urriko lur eremu bila
zetozen menditik ibarrera.
Janari eta aterpe bat amets.
Non ote erromes gure txoriak?
Txirripiloak jada ez dira ikusten.
Ilunbistan sartu ohi zen oilagorra.
Uroiloak nonahi kabi lezkartean,
altzadian tarinak hosto-artean.
Jada ez dute uhinik marrazten
aire, zelai, erreka zingiretan...
Txorrotxiorik apenas da entzuten
izuari emanak aspaldian.
Nora joan dira uhin sortzaileak?
Nongo belaze, aire, erreketan
marrazten dituzte euren bizipozak?
Non ote erromes gure txoriak?
Jexuxmai Lopetegi (2013)
(*) Erribera da Zarauzko hezegune zabal eta eder bat, biotopoaren ondoren dagoena. Aipatzen diren txori gehienak ia desagertu dira bertatik. Pentsatu nahi dut beste nonbait babestu direla.
|
||||
3. |
Sorlekuaren kanta
03:25
|
|||
Sorlekura, iturrira
Laino gisa,soilik
Itzultzen dira urak.
Sorlekura,iturrira
Oroiminez, soilik
Itzultzen dira bideak.
Oi,ur eta lainoak
Bideak eta oroiminak!
Zer izanen naiz ni bihar,
Iturrira, sorlekura itzultzean!
Lainoa izanen naiz?
Oroimina izanen naiz?
Joseba Sarrionandia (1999)
|
||||
4. |
Konforme
04:06
|
|||
Rocka hala da ze,
ez da atseden gozorik.
Errepide ertzetik
kanpamentu berrirantz.
Oroitzapen bat utzi
besteenak gustura entzuteko.
Sutondo bat bada,
han ni nago konforme.
Bakarkako lehian,
han ez nago konforme.
Nabarmendu nahian,
han ez nago konforme.
Inork gu oroitzeko
guk gogoratzen ere... jakin behar.
Ohaiderik bada,
han ni nago konforme.
Panpinak soka du fin,
lazo goxo, urkamendi....
Jendea beti (da) gose,
asko (e)ta asko
buru eske...
Zu bazina gose,
ez nengoke konforme.
Asetuen irlan,
han banago konforme.
Han banago konforme.
Han ni nago konforme.
Han nago ni...
Han nago ni...
Han ni nago konforme...
Han nago ni...
Harkaitz Cano (2016)
|
||||
5. |
Laua
03:43
|
|||
Lautada oro, izango zen Mundua hastapenetan
gero, kizkurtu lur-tripazorriek eraginda.
Sedimentuek diote ibilbide luzea nolakoa den.
Aldakuntzen errekan goaz denok jirabueltaka.
Lurrean sinatuko da gure arrastoa.
-laua- dela bizitza herioaren ninietan pentsatu nuen.
Ibaiak topo itsasoa. Desertuko sarrera,
urdin mugagabera heldu da.
Eta han, bahian nahasi.
Lehen gozo zena orain da gazi, Everyday
Egunero amesten dut desertuko sarrera,
besteekiko eginbide amaiera.
Beheko sua piztuko dut neguko egun
abulikoetan, kafeminez.
Lautadaren gazi-geza: poesi lerroetan,
arpegio eta akordeetan sortzen zait.
Ondotxo dakit! Kontzertu txartela
dut dohainik, Everyday
Jexuxmai Lopetegi (2002)
|
||||
6. |
Ez diren gauzak
03:42
|
|||
Litezkeen gauzarik ederrenak ez dira.
Mezurik sakonenak ez dira oraindik esan.
Herrialde gehienak herrialde
ezezagunak dira.
Ez den zenbat gauza,
ez den zenbat jende den munduan.
Ez den herrialdean sortu ginen
eta, geu ere,
izan, esan gabe doa, ez garena gara.
Dena gabezia, dena atzetasuna, dena bitartea,
dena hutsaldia, dena aldartea,
dena lekutasuna.
Eta egiteko gehienak egiteke ditugu. Poemarik behinenak izkiriatzeke daude... Ez diren gauzak ere badira.
Bizitza, ez diren gauzez ere
osatzen delako.
Joseba Sarrionandia (1999)
|
||||
7. |
Ni naiz Basquiat
04:15
|
|||
Ni naiz (Jean Michel) Basquiat
artista beltza, beltz eta zuriek baztertutakoa.
Ni naiz (Jean Michel) Basquiat
haur problematikoa,
topera bizi nahi zuen gazte xalo rasta,
zaurian hazka eta hazka; zer izan hura gasta...
Sakona, azalekoa, erreala, fikziozkoa...
Ni naiz (Jean Michel) Basquiat,
zuk nahi duzuna naiz:
lapurren arma, frakasoaren ama.
Ni naiz bai (Jean Michel) Basquiat
aingeru edo erregea,
hogeita zazpi urterekin gaindosiz hil zena.
Koadro garestietan nesken telefonoak idatzi zale,
lientzo bihurtu nituen, (New Yorkeko) zubi eta kale.
Brooklyngo hilerri honetan, lore ximel artean
lurpetik besoa altxatuaz, jo nahi nuke zure atean!
Pintatzea baino nahiago, zurekin baltsean;
boxeolari lurperatuekin mozkortuz gauean...
Pop arteari popatik eman ziona naiz maiz!
Ni naiz, bai, (Jean Michel) Basquiat!
galtzaile trebea, (maitale hobea!)
ni naiz (Jean Michel) Basquiat....
(amets bat bera ere ez nuen graffitirik gabea...)
Harkaitz Cano (2009)
|
||||
8. |
||||
Sinesteak abantailak
omen dauzka...
Fededunak fedez dio:
“Igo hadi;
izan fede, azken trena,
hau duk-eta...”
Nik ez dut sinestu nahi,
tren horretan.
Azken trenik ez dago:
tren guztiak
badoaz eta badatoz beti
ziraldoka...
Paisajeak hortxe dirau
guri begira.
Tren hau ez dut hartu nahi:
Hartzazu zeuk.
Keinua da denbora
ehuntzeko
daukadan modua.
Hemen dantzatzea gutxi
balitz ere,
pozik dantzari ni:
bakarti, leun.
Sobera ez harrotu:
paisajea,
ez gara besterik.
Geltoki hau ederra
gelditoki.
Ez dut mugitu nahi:
mugitu zeu.
Jostunik ez da hemen:
jostun nabil.
Akastunak akatsik ez:
nik neuk egin.
Santurik honantz bazatoz,
ez geratu,
ez dut mintzatu nahi
santuekin.
Keinua da denbora
ehuntzeko
daukadan modua.
Hemen dantzatzea gutxi
balitz ere,
pozik dantzari ni:
bakarti, leun.
Uuuu... dantzan dut sinestu nahi....
Uuuu... dantzan leun sinestu nahi...
Uuuu... dantzan dut sinestu nahi...
Harkaitz Cano (2016)
|
||||
9. |
Paisaia Intimoa
03:00
|
|||
Portu zaharra eta, uhainen artean,
portua baino zaharrago dirudien bafora portura arribatzen. Aidean hiruzpalau kaio biraka.
Neu naiz bidaia luzearen ondoren portura sartzen ari den bafora, neu naiz uhainak, neu naiz portua, neu naiz hirulau kaio horietatik bakoitza.
Eta nasan ni naizena leku desberdinetatik so egiten duena naiz. Eta enetaz erreparatzen ez duena ere banaiz.
Eta agian, ez naiz ene baitakoa.
Joseba Sarrionandia (1999)
|
||||
10. |
Kafka pasean
03:04
|
|||
Naiz uda izan , lainoz Pragako karrikak.
Kafka pasean dabil “Karlöv moust”tik.
Mala Strana sarreran eri, opera dolu.
Moladava errugabea barren-nahasi.
Kobrezko itzalak sortuz, orratz-dorre berdeak
oinentzat hiri zaharra dena da adokin.
Begietan galderak, oin-hotsetan dilemak
Kafka pasean dabil “Staromêstske”tik.
Galdera begietan, ukapenen itzala
postaz iritsi ez zen “Gutuna aitari”
egon ezinak nola konta, orriotan nola bildu.
Kafka pasean daukat beti ene aldamenetik.
Jexuxmai Lopetegi (2003)
|
||||
11. |
Zarautzen
03:20
|
|||
Goizean goiz, nekez naiz jaikitzen
Gautxorien munduko ordaina dut lepotik
Ainguraturik nago hemen:
Zarautzen.
Itsas-bazter honetan ez naiz oroitzen
marinel sentimenduaz, balearen istorioaz
beste mende batean aurkitzen naiz:
Zarautzen.
Ez dela asko oraindik erribera bat ba zen
Hegaztien paradisua, lur-soro basatiak
oreka hura hautsi egin zen autopista ezarriaz:
Zarautzen.
Etxeak erne eta baratzek alde
etorkizuna zein den, nor da erantzunaren jabe?
Itsas-pasealeku ederra, badugu non zer pentsatu:
Zarautzen.
Barrakoi luze honetan hogei urte jadanik.
Musikaren aingura zintzilik dudala lepotik...
baina ezin ukatuko dut, oso gusttura bizi naiz:
Zarautzen.
Jexuxmai Lopetegi (1990)
|
||||
12. |
Denboratik at
03:46
|
|||
Ez dut denborarik, denboratik at nago
neurrigabe nabi, konpasa galdurik.
Ez dut espazio untzirik, traslazioaren jatorria
nondik norakoa den auskalo, ia ez dut memoriarik.
Atenporala suertatzen da leihoetako begirunea gartzelatik.
Eta ez dut denborarik, erreka doinurik ez dago.
Desagertu egin dira pasealekuak
trenbide karrilak behin eta berriz
helmuga baino lehen errausten dira.
Ez dut denborarik, kolore ezohiak agertzen zaizkit,
tenporik gabeko koplalari, ia ez dut melodiarik.
Atenporala suertatzen da leihoetako begirunea gartzelatik.
Eta ez dut denborarik, erreka doinurik ez dago.
Desagertu egin dira pasealekuak
trenbide karrilak behin eta berriz
helmuga baino lehen errausten dira.
Jexuxmai Lopetegi (1997)
|
||||
13. |
Esku ahurreko marrak
02:53
|
|||
Bizitzaren goldeak marraztu zizkigun ahurretako ildoak
eta ildo horietan dautza gure bide guziak.
Hor dira zeharkatuko ditugun ziutateetako karrikak,
hor dontzeila nigartiak eta idi gorriskak,
hor trenbide amaigabeak eta arpoia daramaten baleak
hor izpiluen bestaldeetan errinozeroen arineketak,
hor amaraun hedatuak eta zelaturikako borrero langabeak
hor hezur zaharrak eta lemarik gabeko itsasontziak.
Ahurreko ildoetan dira guziak isladatzen,
izei bakartiaren irudia laku bazterrean bezala,
eta hilobi berberean ehortziren gaituzte
gu eta gure marrak, gu eta ekibokazio horiek guziak.
Joseba Sarrionandia (1997)
|
||||
14. |
Bukatzen jakin behar
04:13
|
|||
Jakin behar da bukatzen,
bidetik bazterreratzen:
besteei bide.
Gutun bat utzita mahaian,
despedidan aitzaki
sorta bat.
Deus esan gabe joan zaitezke,
beste norbaitek zugatik
buka dezan.
Kirofanoan gaixo bat dago
inork sabela ixteko eske...
eta zu urruti.
Azken ardo kopa hori
ez duzu zertan
amaitu.
Azken direnik ezjakin
ematen diren musuak
ote onenak?
Atea itxi ondoren
bestaldean geratzen dena
ezereza da.
Lurrun bihurtzea ere
ez da plazer txikia, ene,
batere!
Puzzlearen azken pieza
patrikan sartuta ospa
egizu.
Zauri ireki bilduma hori
ez dago zertan jasan
gehiago.
Jakin behar da bukatzen,
bidetik bazterreratzen:
besteei bide.
Harkaitz Cano (2016)
|
Streaming and Download help
If you like Barrakoian 25 urte, you may also like:
Bandcamp Daily your guide to the world of Bandcamp